نیکی کا حکم دینا اور برائی سے روکنا ہر مسلمان کی ذمہ داری خصوصی اجلاس سے ڈائریکٹر انسٹیٹیوٹ آف راہِ ہدایت محمد یٰسین امین کا خطاب

بسواکلیان : (نامہ نگار) قرآنِ مجید میں سورہ آلِ عمران کی آیت نمبر 110میں اللہ تعالیٰ نے اُمّتِ مسلمہ کو خیر اُمّت کے لقب سے نوازا ہے اور ساتھ میں اُمّتِ مسلمہ کی ذمہ داری بھی بتاتے ہوئے فرمایا کہ \"تُم نیکی کا حکم دیتے ہو اور برائی سے روکتے ہو \"اللہ کے اس فرمان کی رو سے نیکی کا حکم دینا اور برائی سے روکنا ہر مسلمان کی ذمہ دری ہے اس ذمہ داری کے احساس کو ہمیں پھرسے اپنے پیدا کرنا ہے ،حضور ﷺ کی دعوتی سرگرمیوں کو اپنانا ہے ۔ان خیالات کا اظہا ر محمد یٰسین امین ڈائریکٹر انسٹیٹیوٹ آف راہِ ہدایت سے انسٹیٹیوٹ کے ایک اجلاس سے کیا



،انہوں نے مزید کہا کہ اسی بنیا دی مقصد (نیکی کا حکم دینا اور برائی سے روکنا) کیلئے انسٹیٹیوٹ آف راہِ ہدایت کا قیام عمل میں آیا ہے اور اس کے تحت مختلف سرگرمیاں جیسے ڈیلی اسلامک SMSسرویس،آن لائن اسلامک کورسس،اسلامک انفارمیشن سنٹر،ای-میگزین ،ای-لائبریری جیسی چلائے جا رہے ہیں۔اجلاس کے شروعات میں جوئینٹ ڈائریکٹر انسٹیٹیوٹ آف راہِ ہدایت ڈاکٹر تمنا اِرم نے انسٹیٹیوٹ کے مقاصد اور طریقہ کار پر روشنی ڈالی ۔اجلاس میں انسٹیٹیوٹ کے تمام ممبران اور دیگر مہمانان شریک تھے ،مہمانوں نے انسٹیٹیوٹ آف راہِ ہدایت کی سرگرمیوں کو سراہا ذمہ داران کے حق میں دُعائے خیر کی۔